Германия канцлери Украинага яширин хабар юборди
Германия канцлери Олаф Шолц Киевга ташрифи чоғида Украинага унинг Европа Иттифоқига кириши ҳақида яширин хабар юборди. Бу ҳақда Welt нашри хабар бермоқда.
“Макрон ва Драги ҳозирда Киев учун бошланган “йўл” ҳақида гапираётган бўлса, Шолц Украинага ЕИга киришга йўл-йўриқ кўрсатди”, — дейилади нашр эълон қилган мақолада.
Канцлер Украина Европа Иттифоқига қабул қилиниши учун ўзгариши кераклигини айтган. Яъни Шолц Украинада коррупцияга қарши курашиш, амалдаги қонун устуворлигини қуриш ва иқтисодиётини либераллаштириш лозимлигини қайд этган.
Эслатиб ўтамиз, 16 июнь куни Франция президенти Эммануэль Макрон, Германия канцлери Олаф Шолц, Италия бош вазири Марио Драги Киевга ташриф буюрган эди.
«Улашинг»
